Këtë verë artistët shqiptarë na kanë sjellë këngë të shumta, që janë pritur shumë mirë nga publiku.
Disa prej tyre kanë ardhur me albume, të tjerë me më shumë se një këngë, duke na bërë ta humbasim fillin.
Në mes të një lumi këngësh, pyetja që kanë ngritur shumë kritikë, por jo vetëm është se çfarë lloj muzike po dëgjojmë sot? A është një prodhim i mirëfilltë artistik, apo diçka komerciale?
Këtij debati i është shtuar së fundmi edhe këngëtarja shumë e dashur për publikun shqiptar Vesa Luma.
Këngëtarja shton se nuk ka pritur që të bëjnë art, por të paktën diçka më cilësore.
Duke shtuar faktin se për shkak të rregullave anti-Covid nuk po organizohen koncerte, Vesa shprehet se ka shpresuar që artistët shqiptarë të silnin materiale pak më ndryshe.
“Një zhgënjim i vogël që në këto kohë shumë më shumë nga kolegët e mi, sidomos në kohët e karantinës, pas një periudhe të vështirë për shumë nga familjarët tanë…nuk e di pse kam prit që kolegët e mi kur të rikthehen të rikthehen me diçka më cilësore. Nuk e di pse kam prit shumë..s’po them art. Në një moment normal nuk do më kishin bërë përshtypje.”
