Nëse është një këngë që për momentin ka fiksuar shqiptarët me refrenin e saj, është padyshim “Ana” e Nora Istrefit dhe Gjikos. Dhe pse u përfol se kënga ishte njësoj me atë një një artisteje amerikane, sërish “Ana” dëgjohet dhe luhet në çdo club të vendit.
Vargjet e Gjikos janë ato që i japin lezet gjithë këngës e sigurisht nuk mund të mos përmendeshin në emisionin e 1 janarit në “Shiko kush Luan”, aty ku Gjiko ishte i ftuar.
Gjatë lojës “Ndaje ose pije” ai u pyet se nëse pajtohet me Elitën pasi është zënë duke i blerë një çantë, ashtu siç thotë në një pjesë të këngës “Ana”.
Reperi u shpreh se po kjo i ndodh dhe në jetën reale, i blen çantë Elitës sa herë zihen.
