Ditën e djeshme, Nevina Shtylla mbushi 25 vjeç dhe e festoi ditëlindjen me stafin e ‘E Diell’ dhe miqtë e saj më të ngushtë. Edhe pse ditëlindja e saj kaloi, dhuratat duket se ende nuk kanë mbaruar. Moderatorja ka publikuar një foto në ‘Instastory’ ku zbulon se ka marrë dhuratë 3 buqeta të mëdha me lule dhe trëndafila. “Nuk mbaron derisa të them unë”, ka shkruar Nevina në foto. Festa e mbrëmjes së djeshme ishte e mbushur me surpriza dhe dhurata nga të ftuarit, ku nuk kanë munguar dhe fishekzjarret, megjithatë duket se ditëlindja e saj nuk do mbyllej me kaq. Momenti special i festës ishte dhe dedikimi i vogëlushes Ana, ish-pjesëmarrëse e ‘The Voice Kids’ të vitit të kaluar, e cila këndoi për moderatoren këngën ‘Perfect’.
