Bora Zemani po kthehet në personin më ‘in’ të momentit. Ajo po mbështetet gjerësisht në rrjet, nga persona të thjesht apo publik.
Kolegu i saj Arjan Konomi, përveç komplimentave që i ka bërë gjatë transmetimit të ‘Për’puthen’ sot vendosi të publikonte një foto me Borën duke i bashkangjitur dhe një shkrim me lëvdata kundrejt saj:
@borazemani vajza të bukura, të suksesshme dhe prezantuese të famshme televizive ka plot sot, por fisnike, të përulura, dinjitoze, me ndjeshmëri të lartë, por edhe të forta si ty, vështirë të ndeshësh! Mos ndrysho për askënd dhe asgjë!,- shkroi Arjani.
Kujtojmë se Arjani ditën e djeshme ka publikuar disa video në Instagram Story duke folur mbi reagimet e njerëzve ndaj famës dhe të të kërkuarit të bëhen sa më shpejt ‘dikushi’.
Mendohet se këto vinin si mezazh për situatën Bora-Donald-Beatrix.
“Pse po e bëj këtë story? Sepse mbas dilemës së madhe Hamletiane, që prej shekujsh njerëzit vrasin mendjen ti gjejnë një zgjidhje, një dilemë tjetër ka kapur njerëzimin sot, të duash apo të mos duash, apo të dish çfarë të duash? Do thoni ju shumë e vështirë është kjo e dyta, po për mua është shumë e thjeshtë, sepse njerëzit ngatërrojnë,apo përpiqen të të ngatërrojnë ndërkohë që e dinë shumë mirë se çfarë duan. E natyrisht dëshira, etja, mania për famë, njohje publike, për para, për vëmendje e nuk e di çfarë fjalësh të tjera të gjejnë i bëjnë njerëzit të mos dinë se çfarë të duan…Këta njerëzit janë kudo në shoqërinë shqiptare dhe është i vështirë ti kuptosh se të shfaqen me një servilizëm… duhet pasur shumë kujdes, sepse janë zvarranik social, është e mbushur shoqëria jonë.” ,- tha ai ndër të tjera.
