Bora Zemani dhe Donald Veshaj po punojnë në një projekt të ri, i cili do të jetë një prodhim kinematografik i i zhanerit komedi romancë. Skenari i filmit mësohet se do të trajtojë copëza nga historia e tyre e dashurisë.
Dyshja janë çdo ditë me xhirime në vende të ndryshme dhe Donaldi nuk ngurron të postojë vazhdimisht foto e video. Në videon e fundit, ai ka filmuar Borën, e cila ka marrë një sy gjumë në makinë. Donaldi troket në xhamin e makinës dhe Bora trembet. “Gjynah”, shkruan ai krah videos.
Mesa duket moderatorja është lodhur nga orët e gjata në xhirime dhe ka gjetur pak kohë për tu çlodhur, por Donaldi nuk e ka lënë të qetë.