Ditën e sotme u përhap me shpejtësi lajmi se Angela Martinin do e shohim si moderatore në një emision të ri në Top Channel. Ishte fotografi Artan Korenica që postoi një foto të Angelës dhe fliste për një emision për të cilin u tha se do të quhej “Top of the top”.
Mirëpo Angela nuk do të jetë moderatorja e emisionit të ri, por vetëm një nga të ftuarat.
Sipas “Revista who” emisionin “Top of the top” do e moderojë Rina Abazi, motra e këngëtarit, Dren Abazi e cila është gjithashtu shumë bukuroshe.
Një e ftuar tjetër e këtij emisioni do të jetë modelja me famë ndërkombëtare Emina Çunmulaj.
Emisioni “Top of the top” do të transmetohet për 12 javë dhe personazhe të ftuar do të jenë VIP-at shqiptarë që jetojnë jashtë vendit.
