Jona Spahiu është konsideruar si një nga femrat më të bukura të ekranit shqiptar, por tanimë pas lindjes së vogëlushit Raiden, duket se ka hequr dorë nga televizioni dhe po sprovohet me diçka të re.
Jona ka vendosur të ndajë me ne lajmin se në rrugëtimin e saj të mëtejshëm në karrierë do merret me organizimin e eventeve, që siç ajo shprehet është një pasion për të.
“Prej pak kohësh po sprovoj veten në një fushë të re, atë të organizimit të eventeve. Si natyrë kërkuese gjithnjë mendoj që s’është mjaftueshëm, por pavarësisht druajtjes erdhi koha ta ndaj me ju këtë pasion timin. Në këtë rrugëtim të ri, deri më tani, ata që më kanë besuar ditët e tyre speciale kanë qenë miqtë e mi, por jam shumë entuziaste të bëj miq të rinj të cilët do të besojnë te përkushtimi, puna dhe idetë e mia”, shkruan bukuroshja në një postim të sajin në Instagram.
