Sot në “E Diell” u komentua tema “A mund të lidhesh me ish-in e shokut/ shoqes së ngushtë”. I ftuar ishte ish-konkurrenti i “Përputhen”, Fation Kuqari i cili u shpreh totalisht kundër.
Ai tha se nuk do lidhej kurrë me ish-të dashurën e shokut. Fationi tha se dhe me shoqen e ngushtë nuk do lidhej kurrë, sepse e sheh me tjetër sy. Ish-konkurrenti shtoi se “dhe po ta shihte lakuriq nuk do i jepte emocion”.
“Unë jam shumë kundër. Të kesh një shok, ta konsiderosh shok dhe të lidhesh me dikë që ai minimalisht ka ndarë shtëpinë bashkë e shumë gjëra, unë nuk jam dakord me këtë gjë. Më duket absurde. Edhe nëse ata janë ndarë, ti mund të kesh dalë me atë vajzën si e dashura e shokut, keni dalë grup dhe ti gjithmonë ti e ke parë me syrin që është e pamundur dhe të vesh në atë pikë pastaj më duket absurde, më duket shumë gjë e ulët. Janë disa gjëra që ti i paraprin. Ne flasim dhe për shoqe të ngushta. Kur ke një shoqe të ngushtë dhe lakuriq ta shohësh nuk të jep asnjë emocion”, tha Fationi.
