Para se të niste kërcimin e tij mbrëmjen e sotme në “Dancing with the stars”, Landi Hysi mori një surprizë që e emocionoi atë pa masë.
Këngëtari u shpreh se nuk po e mbanin gjunjët, kur në ekran u shfaq Kaltrina, vajza e mikut të tij të ngushtë, të ndjerit Dr.Flori.
E veshur me një fustan të bardhë, Kaltrina e priste Landin në skenë dhe ai vrapoi shpejt për të qenë pranë saj.
Landi e mori në krahë Kaltrinën dhe e rrotulloi në skenë. Ai u shpreh se me përkëdheli e thërret atë Kelli.
Këngëtari u habit kur Almeda i tregoi se bukuroshja ka mësuar kërcimin që ai do performonte sot dhe do kërcejnë të dy bashkë.