Ish-banorja e “Big Brother VIP Albania”, Sarah Berisha ka postuar një foto me DJ PM në “Instastory”.
Sarah duket se me këtë veprim ka treguar një detaj shumë të rëndësishëm nga jeta e tyre në çift
Blogerja vendosi të ndajë me ndjekësit dy varëse (të ngjashme me njëra-tjetrën) që ajo dhe DJ PM kishin vendosur në qafë.
Nuk dihet nëse varësja lidhet me ndonjë detaj nga lidhja e tyre por ka marrë vëmendjen e të gjithëve dhe shumë ndjekës mendojnë që kjo është një shenjë se lidhja e tyre po ecën mirë.
Sarah dhe DJ PM janë dy nga emrat më të përfolur të ‘showbiz’-it shqiptarë për momentin. Ata krijuan një marrëdhënie romantike brenda shtëpisë së “Big Brother VIP Albania” dhe që prej atyre kanë qenë kryefjala e çdo medie rozë.
Edhe pas daljes së tyre gjërat duket se kanë rrjedhur shumë mirë për çiftin. Ndonëse kohët e fundit u përfol se blogerja dhe Pajtimi mund të ishin ndarë, pasi ata postojnë shumë pak në rrjetet e tyre sociale, ky postim nga Sarah mund t’i shuaj disa zëra.
Rikujtojmë se në një intervistë për “Pardon my French”, Sarah tha se marrëdhënia e tyre është si çdo marrëdhënie tjetër dhe padyshim që edhe zënkat nuk mungojnë.
“Marrëdhënia jonë kam përshtypjen është si çdo marrëdhënie tjetër. E kam thënë dhe më parë kemi luhatje, zihemi për gjëra të ndryshme. Përshembull kur PM nuk i pëlqen shumë diçka që vesh thotë po sikur të vishesh kështu. Unë i them jo kështu do vishem, ja marr gjënë për mbrapsht. Shkuam te koncerti Malumës, më tha vish një ‘hoodie’, jo i thashë dua të dal me bark jashtë, dua të bëj sipas kokës time. Po rrimë më shumë në Tiranë. Mbase më shumë e lodhshme është për atë se i kanë qelluar datat e koncerteve më shpesh në Shqipëri.”
