Pak ditë më parë këngëtarja Greta Koçi tregoi se marrëdhënia e saj me kunatin, partnerin e së motrës, Genc Prelvukaj ishte në krizë.
Vetë Greta i ktheu përgjigje një prej ndjekësve në Instastory, i cili e pyeti: “Si i ke marrëdhëniet me Gencin?”
Ajo u përgjigj “Jemi në krizë momentalisht”, duke na treguar se mes të dyve kishte pasur një hatërmbetje.
Por si i ka marrëdhëniet Genci me prindërit e Enit?
I ftuar në “Tour de Cool” në televizionin “T7″ këngëtari ka rrëfyer se ai është njohur kohë më parë me prindërit e Enit për shkak të muzikës.
“Prindërit e Enit janë fantastikë. Ata kanë bërë punë të jashtëzakonshme me Gretën dhe Enin dhe e njohin në themel muzikën. Kur ke përballë njerëz që e njohin muzikën me detaje, temat nuk shterojnë”, tregoi këngëtari.
Genci shtoi se nuk e kishte menduar kurrë se do shkonte me shumë qejf t’i takonte prindërit e partneres së tij, por ja që kështu ndodhi!
