Ai njihet për humorin dhe energjinë që i transmeton publikut me batutat e tij. Olsi Bylyku u bë pjesë e emisionit “WhyNot” ku tregoi se merr mesazhe nga më të çuditshmet në rrjete sociale.
“Është një çun, punon jashtë shteti, por gjithmonë më çon gjithë llojet e drogërave që ka me vete. Shiko çfarë kam marrë, a të pëlqen më shkruan”, tregoi aktori.
Për këtë arsye, ai dha një mesazh për të gjithë të rinjtë shqiptar, të cilët po konsumojnë çdo ditë e më shumë lëndë narkotike.
“Nëse ke diçka që të merresh, punë ose që je i angazhuar, asnjë nga lëndët apo substancat nuk mendoj që të duhen. Për të arritur çdo njeri, më të fortë se zemra nuk ka asnjë lloj droge të mundshme”, përfundoi Olsi.