Kanë kaluar 8 vite që nga transmetimi në Indi i një prej serialeve më të ndjekur “Bidaai”. Ky serial u transmetua 4 vite më parë edhe në Shqipëri në kanalin TV Klan dhe theu rekord shikueshmërie. Aktorët e “Bidaait” mbeten ende shumë të dashur për publikun e sidomos Sadna dhe Aleku. Ndonëse kanë kaluar vite, dy aktorët Sara Khan dhe Angad Hasija e kanë ruajtur miqësinë e tyre.
Madje dyshja janë bashkuar së fundmi për një set fotografik që ka ngjallur shumë polemika. Sara Khan është sulmuar dhe ofenduar keq nga fansat indian për faktin se është shfaqur me bikini për një reklamë pakistaneze.
“Të të vij turp. Ti s’je indiane. Ty të ka errësuar sytë paraja. O kurvë duhet të jesh e kënaqur që i shohim filmat e tu dhe merr para”, janë disa nga komentet që i kanë bërë aktores e cila nuk u ka kthyer përgjigje.
