Në qershor të vitit të kaluar, modelja e njohur Afërdita Dreshaj kurorëzoi me martesë dashurinë e saj me sportistin çek, Jakub Kindl. Ata janë kthyer në një prej çifteve më të dashur për publikun, që tërheqin shpesh vëmendjen me gjestet e tyre të dashurisë në rrjete sociale.
Së fundmi, teksa Afërdita ka shkuar në pushime në Florida me motrën e saj, Jakubit ka nisur ti mungojë bashkëshortja.
Për këtë arsye, ai e ka surprizuar modelen, duke i dërguar nga Çekia një buqetë të madhe me trëndafila të kuq dhe një mesazh dashurie.
“Më mungon gruaja ime, shoqja ime e ngushtë – Jakub”, shkruhej në mesazhin që Jakub i kishte dërguar Afërditës.
“Zemra ime më surprizoi këtë mëngjes nga Praga.”- shkruan Afërdita e emocionuar.