Gjendja psikologjike në këto ditë nuk ka qenë më e mira për të gjithë. Pa dyshim, sot ka ndikuar edhe moti i keq dhe me reshje. Në ditë si këto, moderatorja e njohur Bieta Sulo ka treguar se motivimin e gjen tek njeriu i saj më i dashur, Kroi Art. Ajo ka publikuar një foto të vogëlushit, të cilën e shoqëron me fjalët: “Motivi dhe shpresa në motin gri”. Ndryshe nga të tjerët, Bietës i duhet të dalë në transmetim çdo ditë dhe dëshirën për të punuar në këto momente të vështira e gjen vetëm prej Kroit, i cili tashmë është rritur dhe është bërë shoku më i mirë i mamit.
