Olta Gixhari do të qëndrojë në rulotë bashkë me Armaldo Kllogjeri, deri në një moment të pacaktuar. Pasi u zgjodh nga Zhaklina Gjolla, aktorja e njohur shprehu kërkesën për të mos qëndruar atje.
“Vëllai i Madh” i dha mundësinë për të vendosur, nëse kërkonte t’i plotësohej kërkesa, banorët nuk duhet të konsumonin cigare deri në “prime” tjetër.
Olta vendosi të mos sakrifikojë cigaret dhe për këtë mori mirënjohjen e pjesës tjetër të banorëve.
Herioni shkoi për ta falenderuar dhe e përqafoi për vendimin e saj, teksa tha që ai gjithashtu është klaustrofobik dhe mund të mos bënte të njëjtën gjë.
“Nuk e di nëse do e çoj deri në fund, por sot po e provoj njëherë”, i tha Olta Herionit më pas.
