Bleona dhe stili i saj ekstravagant shpesh herë kanë bërë që ajo të komentohet dhe të jetë në qendër të mediave rozë apo edhe rrjeteve sociale. Pavarësisht projekteve muzikore, Bleona Qereti ka treguar se po vijon të punojë për librin e saj autobiografik.
Këtë e tregoi mbrëmjen e kaluar në emisionin “Xing me Ermalin”, ku tha se është një libër i mbushur me rrëfimet e vetë artistes, duke folur ‘pa dorashka’ me emra konkretë të personave që kanë ndikuar në jetën e saj artistike e private.
Ka qenë moderatori Ermal Mamaqi, ai i cili ka lexuar disa nga paragrafët e këtij dorëshkrimi, madje duke mos kursyer edhe politikanët.
Siç lexon Ermali, Bleona shkruan për një ministër, i cili në atë kohë e ftoin në zyrën e tij për shkak se do ta angazhonte në një koncert.
“Më ftoi në zyrën e tij. Në fillim më bënte pyetje sikur isha në intervistë pune, më pas u ngrit dhe hapi një shampanjë…”, në këtë moment e ka përfunduar leximin e tij Ermali në një nga pjesët e zgjedhura nga libri i Bleona Qeretit. Ajo tha se në libër flet me emra konkret dhe shumë prej historive janë reale.
