Është e pamundur të mos ju mbeten në kokë, tingujt e këngës “Mike”, nëse e dëgjoni të paktën një herë! Por lajmi i mirë është se “viktimat” e “Mike-s” nuk jemi vetëm ne, pasi kënga ka kapërcyer kufijtë e Shqipërisë.
Elvana Gjata ndodhet me pushime në Saint Tropez, të Francës në shoqërinë e çifteve Ami-Ermal dhe Almeda-Tolga, ku u takuan edhe me producentin me famë botërore, Poo Bear.
Mirëpo krejt papritur në restorantin ku po drekonin, është dëgjuar në sfond kënga e saj. Në videon e postuar në profilin e saj në “Instagram”, Elvana shihet duke kërcyer nën tingujt e këngës “Mike”, ashtu siç edhe të pranishmit.
“Çfarë surprize e ëmbël!” – shkruan krahas videos këngëtarja shqiptare.
