Nevina Shtylla është një nga moderatoret më të reja dhe të pëlqyera, jo vetëm lidhur me punën e saj por dhe me pamjen. Së fundmi ajo ka udhëtuar drejt Capadoccia-s në Turqi, nga ku ka postuar edhe foto me kostumin tradicional turk. Këtë detaj, disa nga ndjekësit e saj e kanë komentuar negativisht, duke i vënë në dukje faktin që ajo nuk poston asnjëherë veshur me kostumet tona tradicionale. Nevina ka vendosur të reagojë ndaj këtyre komenteve nëpërmjet disa fotove, veshur me kostume të trevave shqiptare. Në foton e parë ka shkruajtur se kostumet tradicionale shqiptare i ka veshur prej kohësh dhe me shumë krenari. Më pas ka vijuar të pyesë ndjekësit e saj nëse i njohin apo jo, duke kërkuar përgjigje vetëm nga ato që e kritikuan.
