Me siguri e mbani mend ish-konkurrenten e “Big Brother Albania”, Olta Shetën, e cila mori pjesë në edicionin e tretë të këtij formati.
Që prej daljes së saj nga shtëpia, Olta ka ardhur herë pas here në qendër të vëmendjes së mediave dhe më së shumti, vëmendjen e ka tërhequr ndryshimi drastik në pamjen e Oltës.
Në një intervistë për “Panorama”, ajo ka treguar planet për të ardhmen dhe dashurinë për famën dhe botën e televizionit.
Ndër të tjera, Olta rrëfen se është në bisedime e sipër për një emision të ri të cilin do ta drejtojë ajo. Ish-konkurrentja rrëfen se e gjen veten më mirë tek fusha e sportit, pasi gjithë jetën e saj e ka kaluar duke parë futboll, si motra e futbollistit Arjan Sheta.
