Edhe pse është akuzuar herë pas here për operacione plastike, Loredana Zefi nuk e ka aspak problem që të shfaqet pa asnjë pikë make-up në fytyrë.
Reperja e njohur nuk ka komplekse që me mbi 3 milionë ndjekësit në “Instagram” të tregojë ‘defektet’ në fytyrën e saj. E këtë gjë e ka bërë edhe së fundmi.
Teksa ndodhet me pushime në Greqi, ajo publikuar foto të ndryshme, ku në njërën prej tyre ajo shfaqet pa filtra dhe makijazh.
“Një shpirt i lumtur në Greqi”, kanë qenë fjalët që Loredana ka zgjedhur që të shoqërojë një nga fotot e publikuara në “Instastory”.
Kujtojmë se më herët, po në “Instagram”-in e saj Loredana ndau me të gjithë diçka që e shqetësonte në fytyrën e saj.
Përmes mbishkrimit që kishte vendosur në foto reperja shpjegonte se qukat po bëhen më të bezdisshme për të pasi po përhapen dhe zmadhohen më tepër.
“Qukat e mia po zmadhohen”, shkroi Loredana.