Pavarësisht kalvareve të skandaleve që familja e Meghan Markle kryesisht motra dhe babai kanë shkaktur në opinionin publik, duket se nëna e saj e ka fituar plotësisht besimin dhe dashurinë e Mbretëreshës Elisabeth.
Zonja Doria Ragland ka marrë nga Hirësia e Saj një ftesë të veçantë e tejet të rrallë, gjë që askush nga familja e Kate Middleton nuk e ka marrë. Elisabeth ka ftuar nënën e Meghan që ajo të kalojē pushimet dhe Krishtlindjen sëbashku me familjen mbretërore.
Doria do të qëndrojë gjatë gjithë ditëve të festave e kjo e bën të rrallë këtë ftesë, pasi familjarët e Kate kanë qenë të pranishëm në pritjen e Krishtlindjes, por asnjëherë nuk janë ftuar të qëndrojnë më gjatë.
Nëna e Markle do të akomodohet në Sandringham House (një prej pronave të Mbretëreshës). Sipas burimeve nga Pallati mbretëror arsyeja e kësaj ftese është për faktin se Meghan nuk ka asnjë familjar në Angli dhe fakti që ajo është shtatzënë e bën edhe më të nevojshme praninë e nënë afër saj.
