Martesa e tyre u konsiderua si “dasmë përrallash” pasi cdo gjë ishte menduar me detaje ku mbizotëronin lulet. Ishte guxim i madh nga ana e Orindës dhe Turit që të zgjidhnin martesë në një vend të hapur, por fati ishte me ta.
E ftuar në “Mos i fol shoferit” në Ora News, ajo ka treguar se në fillim të asaj dite, ambienti ishte përmbytur nga shiu dhe të gjithë bënin sikur cdo gjë ishte në rregull.
Orinda Huta: Kur jam zgjuar në mëngjes, kam qenë vetëm me motrën time në shtëpi dhe ishte vranët. Filloi të binte shi me gjyma. Të gjithë thonin që nuk bie shi këtu tek ne, dmth tek eventi. Dhe unë që thoja, vetëm nqs këtu tek unë ka shi e të të gjithë ju të tjerët nuk ka. Ashtu thonin, vetëm tek ty ka shi, më bënin dhe për budalle.
I thoja, realisht kam emocione, po mos më bëni budalle se e di që ka shi. Merrja Klevisin shokun tim që shkonte tek vendi e thoshte nuk ka shi. Atje ishte përmbytur, kishte ardhur ta hiqnin me pompë. Shtruan qese dhe në fund e kanë hequr shiun me pompë. Kur kam arritur, ishte diell dhe kishte një pellg të vogël dhe Marcela u kujdes direkt. Më mirë që ra shi se na freskoi pak.
