“Pa ty” është produksioni i fundit muzikor i publikuar nga reperi Seven Saraqi, në bashkëpunim me këngëtaren Argjentina Ramosaj, që për tre muaj ka arritur 3 milionë klikime.
I ftuar në emisionin “Pop Culture”, Saraqi zbuloi se në fakt kënga ishte shkruar për Nora Istrefin, por në momentet e fundit iu prezantua këngëtares Argjentina Ramosaj.
Ishin producentët e këngëtarit, ata që morën këtë vendim, duke parë marrëdhënien e ngushtë mes Steven dhe Argjentinës. Sakaq, Steven zbuloi se bashkëpunimi i rradhës do të jetë me këngëtaren Tuna dhe pritet të publikohet së shpejti.
25-vjeçari nga Mitrovica është këngëtar dhe autor i këngëve të tij. Ai është djali i dy këngëtarëve shumë të njohur në skenën e muzikës në Kosovë, Sunaj Saraqi dhe Vera Oruca.
