Dramat mes ish-banorëve të ‘Big Brother VIP Albania’ duket se nuk kanë fund edhe tani që reality show ka disa muaj që ka përfunduar.
Mbrëmë në Top Channel ka nisur transmetimin “Kepi i VIP”-ave, ku njëri prej personave që merr pjesë në këtë show është edhe Ronaldo Sharka, i cili që në pjesën e parë komentoi Kiara Titon si moderatore.
Sipas tij, moderimi i “Kepit të VIP”-ave duhet t’i falej atij dhe jo ish-banores së “Big Brother VIP”. E për këto ka reaguar edhe Luiz Ejlli, partneri i Kiarës.
Nëpërmjet një video në “Instastory” tregon se do donte të kishte qenë pranë saj për ta mbështetur dhe se të gjithë do të merrnin “përgjigjet që meritojnë”.
Por, nuk e la me kaq. Përmes një postimi tjetër, ai i thotë Ronaldos (duke mos i përmendur emrin) që të vijë e të marrë 5 mijë eurot, meqenëse do mbetet pa punë.
Sikur mos të mjaftonte kjo, ai komentoi edhe në një postim, ku ishte deklarata e Ronaldos.
‘Nuk bëhen të gjitha punët me b*** o butterfly. Jo të gjitha bëhen për followes, ka një limit’, shkruan këngëtari i dashur për publikun.
