Këngëtarja shqiptare Eleni Foureira do të publikojë shumë shpejt hitin më të ri të verës në bashkëpunim me reperin më të njohur të të gjitha kohërave.
Bëhet fjalë për Snoop Dogg, bashkëpunimi me të cilin do të publikohet të premten.
Me një klip muzikor mbresëlënës të standardeve ndërkombëtare, kënga e Kaan, Snoop Dogg dhe Eleni Foureira-s, e cila del më 5 prill, titullohet “Sirens”.
Mediat greke bëjnë me dije se klipi është xhiruar në Los Anxheles dhe Athinë.
Koreografia u redaktua nga Eddy Morales, koreograf i Mariah Carey, Justin Timberlake dhe Janet Jackson dhe kërcimtarë profesionistë amerikanë që kanë punuar me Justin Timberlake, Gwen Stefani dhe Chris Brown.
Eleni ka publikuar një video të shkurtër nga klipi, ndërsa na duhet të presim të premten për ta shijuar të gjithin.
