Kylie Jenner kishte një master plan për të ndërtuar një perandori make up-i kur ishte 17 vjeç dhe mori përsipër detyrën për ta kthyer atë në një ndër bizneset më të suksesshme të produkteve të make upit, siç shprehet dhe mamaja e saj krenare, Kris Jenner.
Në një intervistë ajo ka treguar gjithçka për fillesat e Kylie Cosmetics dhe se si kjo linjë produktesh u kthye në një perandori.
Kris madje tregoi edhe 3 produktet e para me të cilat Kylie filloi karrierën e saj në industrinë kozmetike.
Kylie është drejt rrugës për t’u bërë miliarderja më e re në botë dhe Kris e ka bërë të qartë se kjo nuk ishte rastësi, duke thënë se Kylie e dinte se çfarë dëshironte të bënte dhe e realizoi këtë.
Një debat i gjerë është hapur nëse Kylie mund të quhet ‘self made’ dhe Kris mendon se nuk ka dyshim për këtë.
