Ish-missi i njohur Almeda Abazi dhe bashkëshorti i saj, aktori i njohur turk Tolgahan Sayışman kanë qenë në qendër të vëmendjes së mediave në vendin tonë.
Çifti i njohur vitin e kaluar i dha fund beqarisë në një dasmë që u komentua gjatë nga mediat turke dhe shqiptare. Përpara disa javësh Tolgahan ishte dhe në një vizitë në Shqipëri, ku dhe mori pjesë në finale e madhe të ‘Dancing with the Stars’.
Por pas përfundimit të këtij emisioni, Almeda u kthye në Turqi dhe ditën e sotme është bërë nostalgjike dhe ka publikuar disa foto të hershme nga lidhja e saj me aktorin e famshëm. Në foto shihet Tolgahan dhe Almeda në një moshë shumë të re, teksa janë përqafuar dhe duken më të dashuruar se kurrë.