Një femër ka treguar se si humbi më shumë se gjysmën e peshës së saj, në mënyrë që ta vishte fustanin e maturës dhe të ndalte ngacmimet e vazhdueshme përqeshëse.
Josie Desgrand, nga Queensland, Australi, përqeshej për shkak të peshës së saj në shkollë të mesme, gjë që shkatërroi vetëbesimin e saj. Ajo e pranon se e urrente veten dhe mënyrën se si dukej, duke e pasur të vështirë të bënte shoqëri pasi sipas ‘nuk i pëlqente të dilte’.
Dy vite më parë, kur arriti peshën e 120kg, Josie vendosi t’i kthehej jetës së shëndetshme, gjë që, i ndihmoi asaj të humbte peshë.
Pasi humbi 63kg, Josie i heshti të gjithë ata që e përqeshnin atë, kur doli në mbrëmjen e maturës me një fustan mahnitës që i la të gjithë gojëhapur.
Duke folur për Daily Mail, Josie shpjegoi: “Këtë nuk e shoh si një dietë për të humbur peshë, këtë e shoh si një ndryshim në zakonin e ri të jetës sime”. Gjatë muajve të parë të rrugëtimit të saj, Josie bënte vetëm pak ushtrime por tani ajo është shumë e përkushtuar.
Ajo tani ka një trajner personal dhe shkon në palestër tre deri në katër herë në javë. Pasi humbi peshë, ajo u fokusua në zhvillimin e muskujve. Josie e shpërndau historinë e saj në Instagram, aty ku publikon shpesh fotografi të vetes së saj në palestër.
