Para se të ngjiteshin në skenë, konkurrentet e “Love Story” kanë folur në një intervistë për programin “Daily Love Story”, për emocionet dhe ndjesitë e tyre para se të niste mbrëmja e 12-të e spektaklit.
Tani që gjithçka po i afrohet fundit, vajzat që vijojnë garën për të fituar zemrën e Saimirit, janë edhe më të emocionuara për atë që pritet të ndodhë në javët e ardhshme dhe për të zgjedhurën e fundit të Saimirit. Ato gjithashtu i kanë dërguar edhe nga një mesazh Saimirit.
Xhesi, e lumtur që ka mbërritur deri këtu, shpreson që të vazhdojë ende “luftën” për të fituar zemrën e Saimirit.
E pyetur cili është mesazhi që do t’i dërgonte princit të “Love Story”, ajo tha: “Për Saimirin…të më japë një trëndafil!”
Ndërsa Flavia, e cila në fund të mbrëmjes vendosi të veteliminohet, tha se nuk e priste që të mbërrinte deri këtu. Po para mbrëmjes, ajo i kërkoi Saimirit të mos e eliminojë: “Saimir mos më elimino! Nuk kam asnjë mesazh”.
Ndërsa Meri, me qetësinë që e karakterizon, tha për Saimirin: “Të bëjë çfarë të ndjejë ai, zemra e tij”.
Ndërsa Generda nuk pranoi të dërgonte një mesazh për Saimirin: “Saimirin e shoh edhe pak edhe ia them vetë”,– tha ajo pak para se spektakli të fillonte.
