Orët janë një ndër aksesorët më në trend vitet e fundit. Të gjithë mundohen që të kenë në dorën e tyre një orë të një prej markave më të njohur botërore.
Ata që nuk kanë mundësi ekonomike zakonisht zgjedhin të blejnë ora imitime duke ditur çmimin e lartë që kushton një orë origjinale. Politikanë, aktorë, këngëtarë apo futbollistë janë disa prej kategorive të shoqërisë shqiptare që kanë arritur të kenë në dorën e tyre jo vetëm një, por disa ora të shtrenjta.
Të famshmit shqiptarë që janë karakterizuar nga një jetë luksoze nuk ngurrojnë në çdo moment që të demonstrojnë orët e shtrenjta që ata mbajnë në duart e tyre. Por kush janë disa prej tyre dhe sa kushtojnë këto ora?
Lori Hoxha mban në dorë një orë të “Royal Oak Chronograph” ar i bardhë e zbukuruar me gurë diamanti që ka një vlerë 100 000 euro.
Aktori shqiptar Blerim Destani ka demonstruar gjithmonë se është i fiksuar pas orëve të shtrenjta dhe ka jo vetëm një, por disa ora të shtrenjta. Ora e tij më e shtrenjtë kushton 800 000 euro dhe është e firmës “Richard Mille”.
Rita Ora mban në dorën e saj një orë “Panthere de Cartier” që kushton 20 100 euro.
Getoar Selimi është i fiksuar jo vetëm pas këmishëve të shtrenjta, por edhe pas orëve. Reperi shqiptar mban në dorën e tij një orë “Hublot Big Bang” që kushton 32 000 euro.
Futbollisti shqiptar Granit Xhaka i njohur gjithmonë për jetën e tij luksoze mban në dorë një orë “Rolex”, e cila ka gurë diamanti të bardhë dhe të zi. Kjo orë kushton 30 000 euro.
Noizy ka jo vetëm Ferrari të kuq super-luksoz, por edhe disa ora të shtrenjta, vlera e të cilave është edhe më e lartë se një shtëpi. Ora më e shtrenjtë e reperit të njohur është “Audemars Piguet, Royal Oak Chronograph” që kushton 113 475 euro.
Ledri Vula është dalluar gjithmonë për veshjet e tij të shtrenjta. Ora “Rolex Yacht Master II” e tij kushton 17 150 euro.
Fatmir Hysenbelliu, djali i biznesmenit të njohur Irfan Hysenbelliut është përfolur vazhdimisht për jetën e tij luksoze. Madje për të është folur edhe në emisionin investigativ “Le Iene”. Ai mban në dorën e tij një orë “Royal Oak Offshore Rubber Clad” që kushton 20 450 euro.
Burimi: Iconstyle
