Tayna është pa asnjë dyshim sensacioni më ri në muzikën shqiptare. Reperja e njohur po korr sukses të madh dhe mori një famë të jashtëzakonshme falë talentit të saj. Këngët e Tayna-s janë shndërruar në refrenin e preferuar të shumë prej nesh.
Të njëjtin fat ka patur edhe kënga e saj e fundit “Doruntina” e cila në vetëm 2 ditë numëron mbi 1.6 milionë klikime në YouTube.
Por mesa duket kjo këngë e Taynas ku flet për dashurinë, nuk është kthyer në hit vetëm në vendin tonë, por në shumë shtete fqinje, pasi vetë reperja na ka treguar se ajo është “trending” në disa shtete si Maqedonia, Italia, Gjermania, Zvicra, Sllovenia, Franca etj.
