Më shumë se 1000 metra katrorë, me mbi 100 kamera që do xhirojnë 24 orë në 24, këto janë pamjet e para brenda shtëpisë më të famshme në Shqipëri, asaj të Big Brother.
Që në nisje të emisionit që do të mbajë të mbërthyer pas ekranit shqiptarët, moderatorja Arbana Osmani zbuloi ambientet e brendshme të shtëpisë.
Një sallon gjigant dhe një kuzhinë me kushtet më të mira nuk munguan as këtë herë. E veçanta e kësaj radhe ishte dhoma e gjumit, e cila do të jetë e përbashkët për të gjithë banorët, femra e meshkuj.
Për të dënuarit, gjithashtu do të ketë një dhomë të veçantë me stil të kohës së vjetër. Pjesa më “ekzotike” e shtëpisë, ishte oborri me stil maroken, ku banorët do të shpenzojnë një kohë të mirë të qëndrimit të tyre brenda.
