Ditën e shtunë këngëtari Blero dhe Afrona Dika kurorëzuan me martesë dashurinë e tyre. Ato i thanë ‘Po’ njëri-tjetrit para altarit në një ceremoni të organizuar përgjatë bregdetit, në “Ranën e Hedhun”. Në dasmë ishin të ftuar shumë personazhe VIP, miq dhe familjarë të cilët iu bashkuan atmosferës së gjallë martesore.
Blero dhe Afrona kanë publikuar në rrjetet e tyre sociale foto të ndryshme nga dasma dhe në ditën e madhe ato u shfaqën më të lumtur se kurrë. Mbrëmjen e djeshme ato kanë organizuar një festë në një bar të Prishtinës dhe kanë mbledhur rreth vetes familjarë e miq mes të cilëve mund të përmendim: Medën, Shkurte Gashin, Besnik Qakën, Labinot Gashin e të tjerë.
Si Blero ashtu dhe Afrona kanë ndarë me ndjekësit e tyre video dhe momente nga kjo festë, e organizuar në kuadrin e martesës. Të gjithë shihen duke kërcyer, duke pirë e duke qeshur në praninë e njëri-tjetrit.
