Alban Ramosaj ishte së fundmi i ftuar në emisionin “Pardon My French”, në Top Albania Radio. Ai foli për herë të parë për situatën e krijuar në rrjet, pasi Donaldi dhe Beatrix shprehën ndjenjat për njëri-tjetrin.
Albani tha se situata ka qenë pak shqetësuese, por nuk i ka prekur sepse ata e njohin shumë mirë Beatrixin.
“Ka qenë pak shqetësuese, por kur rri mendoj, kuptoj që nuk kanë idenë çfarë po flasin. Nuk na prek sepse ne e dimë se kush është Beatrix, e vërteta gjithmonë del. Nuk kemi asnjë lloj shqetësimi, shqetësimi i vetëm është që më ka marrë malli… Unë jam shumë i lumtur. Ajo gjithmonë ka patur problem të gjejë dikë që ta dashurojë dhe ta dojë. Është shumë e mirë pa pikë djallëzie. Ajo motra ime jeton nëpër filma, dashuron pa kushte, lum ai që do mund ta bëjë për vete… Donaldin nuk e kam takuar asnjëherë, as nuk kam shkëmbyer asnjë fjalë të vetme me të”, u shpreh ai.
