Në gusht të vitit që lamë pas, këngëtarja Adelina Tahiri dhe partneri i saj, avokati Serjoza Markov, u bënë prindër për herë të parë. Adelina solli në jetë një djalë që çifti e pagëzoi me emrin Jon.
Pas ardhjes në jetë të Jonit, këngëtarja ka publikuar shpesh foto e video të të birit në rrjete sociale, duke e kthyer në një ndër bebushat më të komentuar të showbizit.
Tashmë Joni është tetë muajsh dhe ka filluar të bëjë rrëmujë nëpër shtëpi. Në një video të publikuar në Instastory, ai shfaqet në dollapin e Adelinës, teksa ia ka hedhur çantat përtokë dhe luan me to.
Adelina i është afruar të birit duke e filmuar dhe ia merr nga dora çantat, teksa i thotë të largohet, mirëpo Joni nuk lëviz nga vendi dhe vazhdon sërish të tërheqë çanta të tjera nga dollapi.
