Miss Universe Albania, Trejsi Sejdini, ishte bukuroshja që rrëmbeu vëmendjen e publikut dhe çmimin e parë si vajza më e bukur në Shqipëri, e cila shumë shpejt do të na përfaqësojë në Amerikë.
Disa ditë më parë, Trejsi udhëtoi për në Tajlandë, ku do të marrë pjesë fillimisht në Miss Universe Tajlanda. Në një intervistë për “Sevenbizz”, modelja ka zbuluar për herë të parë talentin e saj të fshehur në muzikën rep.
Trejsi ka treguar se këtë talent do ta shfaqë gjatë pjesëmarrjes në kompeticionin e bukurisë në Tajlandë. Ajo repoi para kamerës disa vargje të një kënge, siç mund ta ndiqni në videon e mëposhtme.
