E ftuar sot në “E diell” ishte një nga këngëtaret më të dashura për publikun, Ingrit Gjoni. Përpos karrierës së saj në muzikë, Ingriti foli edhe për paraqitjen e saj. Ingriti u shpreh se nuk ka për të hequr kurrë dorë nga xixat dhe teminat në veshjet e saj, për sa kohë që ajo ndihet mirë. Sa i përket pamjes së jashte, Ingriti pranoi se ka kryer ndërhyrje estetike.
“Unë kam bërë buzët në vitin 2010 kur s’i kishte bërë njeri. I kemi bërë në një parukeri. Është fat dhe dhuratë kur lind i bukur, por se do të rregullosh diçka të vogël, mendoj se s’ka asgjë të keqe. Plakja është ligj i natyrës dhe nuk është turp”, u shpreh Ingriti dhe tha se ia ka parë hajrin buzëve të bëra.
