Jeta private e aktores dhe moderatores, Rudina Dembacajt prej muajsh ka qenë në qendër të vëmendjes së mediave. Pas lajmeve që qarkulluan në media, Rudina e pranoi publikisht se ajo dhe bashkëshorti, Aleksi po divorcohen. Mirëpo moderatorja e “Mos i fol shoferit” theksoi se me Aleksin ruan një marrëdhënie shumë të mirë. Sot Rudina dhe Aleksi janë ribashkuar për arsyen më të rëndësishme sepse vogëlushja e tyre, Viktoria feston ditëlindjen. Të tre, si një familje kanë realizuar një foto të mrekullueshme. Viktoria shfaqet e veshur me fustan si princeshë ndërsa mami dhe babi i dhurojnë nga një puthje. Foton Rudina e ka postuar në Instagram me një dedikim emocionues.
“Viktorja, e bukura jone! Sot ti ben 3 vjeç, 3 vite drite e lumturi per ne. I lutemi Zotit te jemi gjithmone prane teje, vetem per te te pare te rritesh e lumtur. Nga gjithe gjerat e kesaj bote e vetmja gje qe nuk do te mungoje kurre eshte dashuria. Te duam shume”, shkruan Rudina.
