DJ Sardi është prej kohësh në një marrëdhënie të lumtur dashurie dhe këtë e ka konfirmuar dhe vetë ai. Ajo që ne kemi parë janë vetëm fotot çift nga pushimet ku nuk zbulojnë shumë dhe unaza që nuk hiqet asnjëherë nga gishti. Identitetin e partneres ka preferuar ta mbajë të fshehtë, por tashmë e kemi një imazh.
Paparaci kësaj here ka qenë spikerja e lajmeve në Ora News, Matilda Mcini, që është njëkohësisht dhe kunata e Sardit. Pas momenteve nga pushimet e saj, ajo ka publikuar një video të çiftit ku duken teksa kërcejnë dhe ndajnë përqafime me njëri-tjetrin.
Kjo është dashuri e pastër, siç thotë dhe Matilda.
Ata kanë 12 vite që njihen e pëlqehen dhe lumturia pranë njëri-tjetrit duket qartazi. Tani që u zbulua pak më shumë, presim që fotot e radhës të publikohen nga vetë çifti.
