Elhaida Dani dhe Lediani dhuruan shumë emocion gjatë kërcimit të dytë në gjysmëfinalen e “Dancing with the stars”. Në fund ata arritën një moment kulminant duke dhënë një puthje pasionante. Pas kërcimit, Elhaida zbuloi se mes saj dhe Ledionit ka lindur një histori dashurie.
Eno Popi pyeti konkurrentët e tjerë në lidhje me këtë dhe Sara Hoxha tregoi se ato e kanë ditur. Ajo tha se kur iu është dashur t’i ndryshonin partnerët e kërcimit, Ledianin e merrte malli për Elhaidën dhe shkonte ta puthte fshehurazi.
“E kemi ditur të gjithë. Unë e mora vesh tamam tamam në momentin që ndryshuam partnerët dhe Ledin e merrte shumë malli për Elhaidën. Ai shkonte gjithmonë te Luixhino dhe Elhaida dhe e puthte fshehurazi. Ju uroj shumë fat”, u shpreh Sara.
