Einxhel Shkira ka marrë të gjithë vëmendjen me një status të publikuar në Instastory, i cili është interpretuar nga shumë persona si thumb për aktorin Donald Veshaj.
“Sa më pëlqejnë ato moderatoret që në 12917 puntata të emisionit flasin vetëm për veten. Ky është stili moderimit ‘a doni më për Belulin’”, ka shkruar moderatorja. Mirëpo kjo deklaratë e saj nuk i drejtohet Donaldit dhe këtë e ka sqaruar vetë Einxhel me anë të disa postimeve të tjera në rrjete sociale.
“Atëherë për gazetarët që kanë qejf të bëjnë lajme sipas mendjes së tyre e sot qenkan çuar të inspiruar për klikime, por me probleme të leximit shqip: ato moderatoret, ata moderatorët. Pra dhe një herë me zyshën: Unë-ti, ai/ajo, ne-ju-ata/ato. Bravo!”, ka shkruar Einxhel duke shpjeguar me ironi se statusi i saj i drejtohet një “moderatoreje” dhe jo një moderatori (në këtë rast jo Donaldit).
Më tej ajo shtuar se nëse do kishte gjë për t’i thënë Donaldit nuk do ia thoshte me kode por drejtpërdrejtë, siç bëri në Big Brother VIP.
Tani që e dimë se nuk e kishte me Donaldin, Einxhel i ka futur të gjithë në dyshime. Kujt moderatoreje i drejtohet statusi i saj? Kujtojmë se kohët e fundit ajo ka pasur një përplasje të vogël me Armina Mevlanin, pasi kjo e fundit u shpreh “Einxheli nuk më pëlqen fare”, gjatë qëndrimit të saj në Big Brother VIP.
