Këngëtarja shqiptare Era Istrefi dhe këngëtari britanik Julian Perretta që në fillim të vitit që lamë pas janë përfolur për një lidhje. Dyshja nuk kanë preferuar të flasin për marrëdhënien e tyre në publik por janë fotografuar shpesh bashkë.
Së fundmi, si asnjëherë më parë Juliani ka hapur zemrën me ndjekësit, duke treguar të vërtetën e lidhjes me Erën. Teksa në një mini-intervistë në Instagram një ndër ndjekësit e ka pyetur nëse ai dhe këngëtarja janë çift, Juliani ka zbuluar se Era është shoqja e tij më e mirë.
Ai shprehet se e do shumë dhe ka treguar nga historia e tyre. Dyshja kanë ndarë shumë gjëra me njëri-tjetrin. “Era Istrefi është shoqja ime më e mirë. E dua shum. Kemi kaluar shumë gjëra bashkë. Kemi udhëtuar nëpër botë bashkë. Kemi jetuar bashkë. Nuk mund të ishim më të afërt se kaq. Ajo është e gjithë bota për mua”, ka treguar Juliani.