Një fakt i trishtuar, por i vërtetë i ekzistencës njerëzore është pashmangshmëria që mendjet tona do të “pakësohen” kur ne të jemi më të moshuar.
Në këtë drejtim është e rëndësishme të mos neglizhojmë ushqimet që hamë, pasi ato na ofrojnë një sërë avantazhesh.
Mbani veten të shëndetshme dhe trurin akoma më shumë me këto 8 ushqime që janë fantastike:
1. Peshqit me yndyrna
Acidet yndyrore Omega-3 janë ushqime të fuqishme të trurit. Gjetur në prodhimet e detit dhe butakët, burimet më të mira të omega-3 janë peshq të yndyrshëm si salmoni, ton, harengë, midhjet, sardelet, skumbri dhe troftë. Acidet yndyrore Omega-3 gjithashtu ndihmojnë për të mbrojtur trurin nga plakja. Ato ndihmojnë në stabilizimin e humorit dhe janë një parandalues efektiv për depresionin klinik e sëmundjet e tjera të rënda psikiatrike.
2. Manaferrat
Një burim i bollshëm i antioksidantëve janë manaferrat. Manaferrat jo vetëm që e mbrojnë trurin nga sëmundjet neurodegjenerative, por edhe përmirësojnë kujtesën, të mësuarit dhe aftësitë e përgjithshme njohëse. Ato gjithashtu kanë treguar se parandalojnë ose vonojnë fillimin e sëmundjeve të lidhura me moshën, si sëmundja Alzheimer dhe sëmundja Parkinson për shkak të vetive të tyre anti-oxidative, anti-inflamator, anti-virale dhe antiproliferative.
3. Arrat
Arrat janë të pasura me lëndë ushqyese, proteina, fibra, vitamina dhe antioksidantë që kontribuojnë në shëndetin metabolik dhe të zemrës. Në vlerësimin sesi fruta dhe perime të ndryshme ndikojnë në aftësitë njohëse afatgjatë, arrat janë identifikuar si një nga ushqimet më të mira për të rritur dhe mbajtur shëndetin e trurit sipas hulumtimit të publikuar në British Journal of Nutrition.
Në një studim konsumimi i një mesatareje prej 10 gramësh arra në ditë rezultoi në një kohë më të shpejtë përgjigjeje, shpejtësi të përpunimit të informacionit dhe rezultate më të mira në kujtesën, koncentrimin dhe kontrollin motorik.
4. Shafrani i Indisë
Shafrani i Indisë, erëza e verdhë e athët, është me të vërtetë një nga bimët më dinamike të shërimit në planet. Studimet mbi kurkumin, komponenti kryesor i saj mjekësor, kanë treguar se rrit shëndetin fizik për të përmirësuar imunitetin, për të mbrojtur kundër depresionit, për të mbrojtur zemrën dhe më shumë. Ai është një tonik i shkëlqyer për lëkurën me anti-inflamator të fortë, antioksidant, anti-plakje dhe me veti kundër kancerit. Shafrani është gjithashtu tepër i mirë për trurin. Studime të shumta kanë zbuluar se ai mbron nga fillimi i sëmundjes Alzheimer.
5. Perimet jeshile
Brokoli, kalet, lakra, por edhe zarzavate të tjera, sigurojnë një burim të mirë të vitaminës K , një lëndë ushqyese kryesore për sinjalizimin e qelizave të trurit. Vitamina K është thelbësore për formimin e sphingolipideve, një lloj yndyre që gjendet me bollëk në membranat e qelizave të trurit.
6. Kafe
Kafeina ndikon trurin në disa mënyra. Ajo rrit vigjilencën, e cila përmirëson kohën e reagimit, vëmendjen vizuale dhe të mësuarit pasiv. Kur konsumohet me moderim, zvogëlon rrezikun e depresionit. Përmirësimi i kujtesës së punës dhe kohës së reagimit tek të rriturit, duke pirë një filxhan kafe në mëngjes nuk është një mit.
7. Çokollata e zezë
I përbërë nga 70% deri në 100% kakao të pastër, çokollata e zezë është një burim i shkëlqyeshëm i flavanoleve, polifenoleve dhe antioksidantëve të tjerë. Teksa është e njohur për aftësinë për të përmirësuar qarkullimin e gjakut në të gjithë trupin dhe për të mbrojtur shëndetin kardiovaskular, çokollata e errët është gjithashtu shumë e mirë për një mendje të mprehtë. Ata që konsumojnë shumë çokollatë të zezë, kanë rezultate më të mira në kujtesën e punës, kujtesën episodike, kujtesën vizuale-hapësinore, organizimin, si dhe arsyetimin abstrakt.
8. Farërat
Edhe pse të vogla farat bimore janë të mbushura me lëndë ushqyese të cilat ndihmojnë në rritjen e fuqisë së trurit. Farërat janë të pasura me yndyrna të shëndetshme, aminoacide esenciale, antioksidantë, fibra, proteina, vitamina dhe minerale.
Këto janë ato më të mirat për trurin tuaj:
Farat e lulediellit
Farat e lulediellit janë një burim i mirë i vitaminës E dhe tiaminës, të cilat janë jetësore për një mendje plotësisht funksionale. Studimet kanë treguar se vitamina E mbështet funksionimin e shëndoshë të trurit, përmirëson performancën njohëse dhe redukton rrezikun e çmendurisë më vonë në jetë. Po ashtu, tiamina luan një rol kyç në funksionin e trurit. Njerëzit që janë të mangët në tiaminë janë në një rrezik shumë më të madh për zhvillimin e sëmundjes Alzheimer dhe Parkinson. Farat e lulediellit janë gjithashtu të larta në triptofan, një aminoacid thelbësor që nxit receptorët e serotoninës në tru.
Farat e kungullit
Farat e kungujve sigurojnë 185% të vlerës së përditshme për magnez, në një filxhan. Mangësitë e hekurit kanë qenë të lidhura me probleme të tilla si zvogëlimi i vëmendjes, inteligjenca, perceptimi ndijor dhe dukuria e “mjegullës së trurit”. Farat e kungullit janë një burim i shkëlqyer hekuri, duke siguruar 115% të vlerës së përditshme.
Bakri gjithashtu është thelbësor për ruajtjen e funksionit dhe shëndetit të trurit. Nivelet e ulëta të bakrit në trup dhe tru rritin rrezikun e disa çrregullimeve neurologjike si sëmundja e Alzh
