Pas gati katër dekadash në krye të Vogue Amerikane, Anna Wintour po largohet nga posti i kryeredaktores, siç konfirmoi botuesi Condé Nast për CNN. Ajo do të vijojë të punojë në kompani si drejtuese globale e përmbajtjes dhe drejtoreshë editoriale globale e Vogue, por do të tërhiqet nga drejtimi i përditshëm i edicionit amerikan.
Posti i saj do të zëvendësohet nga një figurë e re me titullin “head of editorial content”. Gjatë drejtimit të saj, Wintour e transformoi Vogue nga një revistë tradicionale në një fuqi të modës që vendoste trende dhe thyente tabutë.
Numri i saj i parë në vitin 1988 theu normat duke vendosur një modele me xhinse në kopertinë – për herë të parë në historinë e revistës. Më vonë, ajo solli edhe burra në kopertinë, çka ishte e paprecedent për Vogue.
Ky ndryshim në Vogue vjen si pjesë e një ristrukturimi më të gjerë në Condé Nast dhe shënon një epokë të re për revistën më me ndikim në modë.
