Me startimin e sezonit të ri televiziv, u vunë në jetë projekte të reja. Ashtu siç të gjithë e mësuam, një format i ri plot humor starton në ‘Tv Klan’ prej kësaj të shtune.
Batuta dhe shumë humor premton stafi i ‘Klanifornia’, një bashkim i fuqishëm aktorësh, të cilët me siguri do dhurojnë spektakël. Pak orë para fillimit të puntatës së parë, një nga prurjet e reja në staf, Delinda Disha ka postuar fotot e skenës së re.
Një sallë e madhe me shumë ndriçim është shfaqur në postimin e bërë nga aktorja e humorit, çka na la të kuptojmë se gjithçka është gati për emisionin e së shtunës. Nën moderimin e Marina Vjollcës dhe me pjesëmarrjen e aktorëve më të mirë shqiptarë, ‘Klanifornia’ do të jetë një show i garantuar. Na mbetet të presim.