Luana ka qenë sërish në vëmendje të mediave ditën e sotme dhe jo për projektet e reja, as fotot që publikon në Instagram, por për lidhjen e dashurisë me Krenar Çoçaj. Është përfolur se Luana i ka dhënë fund lidhjes me Krenarin dhe shkak është bërë veprimi i fundit i dyshes.
Luana dhe Krenari e kanë hequr njëri-tjetrin nga lista e ndjekësve në Instagram dhe u tha se Krenari ka munguar në ditëlindjen e Luanës, me datë 2 shtator.
Megjithatë, një gjë e tillë nuk është e vërtetë. Burime për Prive.al kanë konfirmuar se çifti janë bashkë dhe të lumtur. Vetëm pak ditë më parë, ata u kthyen nga pushimet.
Luana ka nisur përgatitjet për sezonin e ri televiziv ndërsa Krenari mbetet shumë i angazhuar në jetën në Tiranë ku është zhvendosur pothuajse me kohë të plotë me shtëpi dhe biznese.