Ariel nuk është një emër i panjohur për publikun shqiptar, jo vetëm nga talenti i tij si grimier, por edhe si miku i ngushtë i Anxhelina Hadërgjonaj. Ato jetojnë bashkë në Amerikë dhe është e pamundur të shohësh Anxhelinën diku pa qenë dhe Ariel dhe anasjelltas. Së fundmi, grimieri i njohur ka marrë pak kohë për t’i dedikuar disa fjalë të ëmbla mikeshës së tij të ngushtë prej disa vitesh tashmë. “Zoti më ka bekuar me një mike të ngushtë për gjithë jetën, pothuajse 6 vite më parë dhe më pas u kthye në një lidhje gjaku. Kemi kaluar shumë gjëra bashkë, as nuk i imagjinoni dot, por është i vetmi person që mund të mbështetem për çdo gjë, sigurisht njësoj si familja ime. Të dua”, ka shkruar Ariel. Miqtë e tyre të afërt që i njohin më së miri, kanë komentuar duke shprehur pëlqimin e tyre për këtë miqësi, ndërsa vetë Anxhelina ia ka kthyer dedikimin me një koment të thjeshtë: “Më ka marrë malli”. Ariel dhe Anxhelina përveç miqësisë, kanë qenë pjesë dhe e projekteve të njëri-tjetrit.
