Këngëtarja shumë e njohur e hitit “Ndarja”, Mimoza Shkodra ishte e ftuar së fundmi në emisionin “Mirage”, ku ka rrëfyer para kamerës të pathëna nga jeta e saj private.
Pasi ka deklaruar se tashmë është e lumtur single, këngëtarja ka rrëfyer se aktualisht po merret me projekte të reja dhe ka shumë punë me të ciat duhet të merret, punë të cilat i mbushin asaj një pjesë të madhe të ditës.
Ndër të tjera, Mimoza ka zbuluar se ka studiuar për farmaci dhe këtë profesion e ushtron edhe sot, përveç këngës që është pasioni i saj i parë.
“Unë e kam vazhduar për teknike të farmacisë dhe kam pasur synim të vazhdoj edhe më lart. Por, kur i futesh muzikës, pasioni i muzikës të bën për vete dhe ti shkollën fillon e lë anash.
Punoj prej 11 vitesh. E kam mirë, e kam në derë të shtëpisë, ndihem si në shtëpinë time. Ai profesion më bën të rri me këmbë në tokë.”- ka rrëfyer ajo.
