Jenna Dewan solli në jetë fëmijën e dytë! Ajo dhe i fejuari i saj, Steve Kazee janë bërë prindër të një djali që në 6 mars, por vetëm tani zgjodhën ta ndajnë me botën.
“Dhe ja, kështu zemrat tona po shpërthejnë në pafundësi dhe përtej saj.”- shkruan Jenna në foton e parë të të porsalindurit, emri i të cilit është Callum Michael Rebel Kazee.
Ish-gruaja e Channing Tatum ndau lajmin e shtatzënisë në shtator të vitit të kaluar, 1 vit pasi çifti e kishte bërë publike romancën e tyre.
Jenna ka një vajzë nga martesa me Channing Tatum, martesë e cila përfundoi në prill të 2018-s. Channing dhe Jenna u njohën në sheshxhirimin e Step Up, u lidhën në 2006-n dhe u martuan 3 vite më vonë.